Behobia-Donostia lasterketarako autobusa jarriko du udalak

Azaroaren 10ean izango da Behobia-Donostia lasterketa, eta autobus zerbitzua eskainiko du Azpeitiko Udalak korrikalariak Behobiako irteerara eramateko. Hau da, joaneko zerbitzua bakarrik izango da.

Autobusean joan nahi dutenek igerilekuan eman behar dute izena, eta dagoeneko zabalik dago horretarako epea. 55 laguntzentzat egongo da tokia, eta 6 euro ordaindu beharko da. Lasterketaren egunean, 07:30ean aterako da autobusa, anbulatoriotik.