Bihar, ekainak 7, egingo da hileko plenoa

Bihar, hileroko ohiko plenoa egingo du Azpeitiko Udalbatzak. 19:00etan hasita, honakoa izango da hizketagai izango duten gai zerrenda:

1.- Udalbatzak 2022eko maiatzaren 3an egindako akta onartzea.

2.- Urrestillako hilerrian Udalak eraiki duen Bloke E-hezurtegiak eskaintzeko irizpideak onartzea.

3.- Loiolako Santutegiko parkeko kantinako etxola eta komunak berritzeko Udalak GFAri onartu dion obra baimenari ezargarri zaion zergaren hobaria onartzea.

4.- Azpeitiko Kirol Patronatuaren hainbat kirol, harrera eta mantenu zerbitzuak kontratatzeko espedientean lehen lotearen kontratuaren esleipena atzera botatzea (304K).

5.- Alkatetzak 2021eko azaroan eman zituen ebazpenen berri ematea.

6.- Azpeitiko pentsiodunak proposatutako mozioa, adinekoak eta pentsiodunak murrizketa eta digitalizazioaren ondoren banku zerbitzutara jotzeko arazoaren inguruan.

Aurrez, herritarren gobernu batzarra egingo da.