Bihartik aurrera irekita izango da kiroldegiko taberna

Kiroldegiko jatetxe-taberna irekita izango da berriro bihartik aurrera; 19:00etan izango da irekiera luntxa. Astelehenetik igandera 10:00etatik 22:00etara izango da irekita eta gosari, bazkari, afari eta bestelakoak ere eskainiko ditu.

Aurreko kudeatzaileak jarduera eten ostean, Azpeitiko Udalak kiroldegiko taberna berriro abian jartzeko lehiaketa publikoa egin du, eta bihartik aurrera berriro martxan izango da. Bihar irekiera 19:00etan izango da, eta ondoren egunero izango da irekita.

Azaroan jarri zuen lehiaketa publikoa abian Udalak eta Dima Santos Labakak kudeatuko du bihartik aurrera azpiegitura hari esleitu ostean. 10:00etatik 22:00etara izango da irekita astelehenetik igandera bitartean. Menuak, gosariak, bazkariak, afariak... eta bestelakoak eskainiko dira bertan. Taberna-jatetxeko telefonoa 943 08 94 12 izango da.

Ezarritako ordaindu kanona 300€ + BEZ izango da, eta ohiko jarduneko gastuak bere gain hartuko ditu kudeatzaileak.