Binakako Txapelketa Nagusiko finalerdiak izango dira larunbata arratsaldean Izarraitz Pilotalekuan

Larunbatean, otsailak 25, Binakako Txapelketa Nagusiko Finalerdiak jokatuko dira Izarraitz Pilotalekuan. N Galeano eta Arrastia, Aranburu eta Insaustiren aurka arituko dira lehen partiduan, eta, Zabaleta eta Agirre bikotea, R Infante eta Orbegozoren aurka partidu estelarrean. Sarrerrak salgai daude 5€an. 

Emakumeen Binakako Txapelketaren finalerdiak jokatuko dira etzi, larunbata, Izarraitz Pilotalekuan. Atzo egin zuten pilota aukeraketa Azpeitian eta larunbaterako prest agertu ziren. Bi partidu izango dira: N Galeano eta Arrastia, Aranburu eta Insaustiren aurka arituko dira promozioko finalerdian, eta, Zabaleta eta Agirre bikotea, R Infante eta Orbegozoren aurka partidu estelarrean. Partiduak 18:00etan hasiko dira eta dagoeneko sarrerak salgai daude online. 

"Aspalditik nahi genuen emakumeen pilota txapelketako partidaren bat Azpeitira ekarri, eta azkenean posible izan dugu aurten" adierazi du Egoitz Arruti Kirol Batzordeburuak. Emakumeen kirola ikusarazteko garratzitsutzat jo du: "Kirol askotako disziplina askotan gero eta emakume gehiago ari dira kirolean eta lehian. Oso garrantzitsua da hori ikusaraztea eta kirol desberdinetan emakume erreferenteak sortzeko bultzada ematea". Bide horretan, lanean jarraituko dutela gaineratu du.