Brigadako balio anitzeko lau lanpostu betetzeko oposizio lehiaketako proba praktikoa egiten ari dira Esklabetan

Gaur, apirilak 3, asteazkena, goizeko 08:30etatik 18:30ak ingurura arte Azpeitiko Udalak abian duen balio anitzeko lehen mailako ofizialen lau lanpostu betetzeko lehiaketa oposizioaren hirugarren eta azken azterketa egiten ari dira Esklabetako eraikinean. Gaurko azterketara, izena eman eta onartuak izan ziren 157 lagunetatik 52 iritsi dira. 

Iazko uztailean jarri zuen abian Azpeitiko udalk brigadako balio anitzeko lau lanpostu betetzeko prozesua. Uda ostean ekin zion azterketei eta azaroan egin zen Izarraitz frontoian lehen azterketa teorikoa. Horren ostean hizkuntza eskakizuna frogatu behar izan dute prozesuan aurrera egin dutenek eta gaur, apirilak 3, hirugarren eta azken proba, praktikoa, egiten ari dira Esklabetako eraikinean. Goizeko 08:30etan hasi dira, eta 17:30ean izango da azken txanda. Bitarte horretan, 5 edo 6 laguneko 10 turnotan egingo dute azterketa 52 lagunek. Bukatzeko, azterketa gainditzen dutenen artean merituen balorazioa egingo da.