Itzulpen automatikoa / Machine translation

Bulego, Chambao, Piztiak, Deñe, Nogen, Puro Relajo eta Pantxoa Karrereren kontzertuak izango dira, besteak beste, saninazioetan

2023/06/21
Bulego, Chambao, Piztiak, Deñe, Nogen, Puro Relajo eta Pantxoa Karrereren kontzertuak izango dira, besteak beste, saninazioetan

Udako bezperetan, festak han hemenka hasi dira eta Azpeitiko Udala buru-belarri ari da Santio eta San Inazio festak prestatzen. Dagoeneko itxita ditu aurtengo festetako arrats eta gauak girotuko dituzten kontzertuak. Uztailaren 22tik abuztuaren 1era bitartean, dozena bat talde taularatuko dira herriko txoko desberdinetan egongo diren oholtzetara.


Uztailaren 22an, Nogen talde donostiarraz gozatzeko aukera izango da, Perez Arregi Plazan. Uztailaren 28an, ostiralean. Deñe bakarlari urrestildarra Leokk talde zestoarrarekin batera taularatuko da. Hurrengo egunean, uztailaren 29an, Piztiak, The Cure sans eta Ukabil izango dira entzungai.

Saninazio bezperan, uztailaren 30ean, DJ Josuk girotuko du plaza 20:00etatik aurrera; eta, Pantxoa Karrere bakarlari lapurtarraz gozatzeko aukera izango da Olazko Amaren Plazan.

San Inazio Egunean, Chambaoren Flamenko Chill doinuz beteko da plaza eta. Olazko Amaren Plazara, musika mexikar eta latinoaren mestizajea euskaraz kantatuta ekarriko du Puro Relajo taldeak.

Abuztuaren 1ean, Bulego musika talde azkoitiarraren kanta eta erritmo ezagunek emango diote bukaera festei.