Datorren ikasturteko Eskola-Kirolaren programa aurkeztuko da ekainaren 6an

2023-2024. ikasturteko Eskola-Kirol programa aurkeztuko dute ekainaren 6an, 18:30ean, hasita, Azoka Plazako areto nagusian (1 solairuan). Itzulpen (aurrez izena emanda) eta zaintza zerbitzua eskainiko dira, behar dutenentzat. 

Azken hilabeteotan Eskola Kirolaren inguruan hausnarketa prozesua garatzen ari dira ikastetxe, guraso-elkarte eta Udala, Izan ere, denek argi dute, eskola adinean garatzen den kirol-praktika ikasleen bizitzan eragiteko tresna ezinhobea dela. Beraz, haur eta gazteen garapenean Eskola Kirola erdigunean kokatu eta hastapen eredu egokia zehaztea dute helburu.

Ikasleek eta beren gurasoek dituzten behar eta nahiak ezagutu eta, egun ematen den zerbitzua egokitu behar da, etorkizunera begira zerbitzu esanguratsu eta aberasagarria eskaini ahal izateko.

Testuinguru horretan, eta ikasleen kirol-nortasunaren garapenean familiak duen garrantziaz jabetuz, datorren ikasturtean eskola kirol programan parte hartuko duten ikasleen gurasoei informazio zuzena emateko antolatu da saioa.

Eskola-kirolaren inguruko hausnarketa prozesua bukatu ez bada ere, dagoenekoz, 2023-2024 ikasturteko programa eta adostutako aldaketake aurkeztu nahi bertan. Hain zuzen ere, ekainaren 6an, 18:30ean, Azoka Plazako lehen solairuko aretoan.

Bertan, nagusiki, hiru gai hauetaz hitz egingo da:

1.- Kirol hastapena: adin goiztiarraren espezializazioa edo aniztasuna?
2.- Gipuzkoako eskola kirola eredua: zertarako eta nolako?
3.- Azpeitiko 2023-2024 eskola-kirola programa 

Bilerak irauten duen bitartean zaintza zerbiztua izango da Iturri Txiki Ludotekan eta bilera euskaraz izango bada ere, gaztelerara itzulpen zerbitzua eskainiko da Telegram bidez. Horretarako aurrez izana eman beharko da Udaleko kirol sailean: kirolak@azpeitia.eus-era idatzita edo 943 15 00 95 telefonora deituta edo norberen ikastetxean.