Elkarrekin jolas egiteko prest dira Plazatarrak

Udazkenaren hasierarekin, aurreko ikasturteetan bezala, aurten ere Plazatarrak ekimenari hasiera emango zaio. Udaleko gazteria saileko hezitzaileen bidez eskaintzen den zerbitzuak hasieratik dituen helburuei eutsiko die ikasturte berrian ere. Gainera, helburu horiek betetzen direla ikusi dute eta eskaintzarekin jarraituko dute beste ikasturte batez. Ekintzetan parte hartu nahi dutenek aurrez izena eman beharko dute. 

Horregatik, aurtengo lehen Plazatarrak urriaren 18an, ostiralean, egingo da, arratsaldeko 17:30etik 19:00etara. Kiroldegi aurrean elkartuko dira Kirolari fest ekintzan parte hartu nahi dutenekin. Ekintza aurrera eramateko, Xeye herriko Atletismo Taldearen laguntza izango dute, elkarlanean antolatu baitute aurtengo lehen Plazatarrak. Parte hartzeko beharrezkoa da izena ematea urriaren 16a, asteazkena, baino lehen Ludoteketan edo Gazte Informazio Bulegoan.

Aurreko urtean bezala, HH5 eta LH6 bitarteko haurrei eta beren gurasoei zuzendutako ekintza izango da eta 4 umeko gutxienez arduradun batek eman beharko du izena eta ekintzan parte hartzera konprometituko da.