Itzulpen automatikoa / Machine translation

Eraikin publikoak pixkanaka irekiko dira, bihartik aurrera

2021/02/11
Eraikin publikoak pixkanaka irekiko dira, bihartik aurrera

Koronobirusak herrian datu epidemiologikoek azken astean hartutako beheranzko joera ikusirik, urtarrilaren 25etik itxita diren azpiegiturak pixkanaka irekitzen joango dira, datozen egunotan.


Urtarrilaren 25ean udal instalazio publikoak ixteko erabakia hartu zuen udalak, 100.0000 biztanleko 1.000tik gorakoa zelako herriko intzidentzia tasa eta birsorkuntza tasa, berriz, 2,49koa. Datuek beheranzko joera hartu dute, baina egoerak kezkagarria izaten jarraitzen du. Gaurko datuen arabera 716koa da 100.000 biztanleko tasa eta 0,61ekoa birsortze tasa.


Pixkanaka bada ere datuak hobetzen ari direla ikusirik, datozen egunotan gradualki eta prebentzio neurri zorrotzekin irekiko dira udal eraikin publikoak. Hala, ostiralean irekiko dira kirol eta kultur instalazioak eta gaztelekua. Asteazkenean irekiko dira, berriz, ludotekak eta Emakumeen Txokoa.


Udalak herritarrei gogorarazi nahi die, norberaren jarreratik has gaitezkeela egoerari buelta ematen, eta prebentzio neurriak zorrotz beretzeko eskatzen die.