Errepide mozketak, Oñatz auzoan

Astelehenetik aurrera, itxita egongo da GI-3181 errepidea (Oñatz auzora doana) zenbait orduz. Ezponda bat konponduko dute harri-lubeta bidez, eta, horretarako, beharrezkoa izango da errepidea ixtea 1+630 kilometro-puntuan. Lanek astebete iraungo dutela aurreikusten da.

Ohi bezala sartu ahal izango da errepidera, baina moztuta egongo da lanak egiten ari diren puntutik aurrera, ordutegi honetan: 08:45-13:00 tartean eta 14:00-17:00 tartean.

Kasu jakinetan, errepidea moztuta egon arren, pasatzeko aukera egongo da, baina ahal duten neurrian beste bide batzuk erabiltzeko eskatu zaie bizilagunei.