Erretiroa hartutako langileak agurtu ditu udalak

Pasa den ostiralean, Azpeitiko Udalak azken hilabeteotan erretiroa hartu duten langileak eskertu eta agurtu nahi izan zituen. Alfon Lizarralde, Mailu Soraluze, Ima Epelde,  Jose Mª Iturzaeta, Asun Aizpuru,  Jose Mª Galarraga eta  Arantxa Olaizola agurtu zituzten. 

Nagore Alkorta alkateak zein Leire Goenaga eta Aitor Bereziartua zinegotziek esker hitzak izan zituzten: "Eskerrak eman nahi dizkizuet udalean egindako lan guztiagatik. Bakoitzak bere arloan urtean egin dituzue Azpeitiaren alde lanean, eta oin merezitako erretiroaz gozatzea opa dizuegu". Banan bana ere eskertu zituzten udalak erretiroa hartzen duten langileei eman ohi dien oroigarria eman bitartean. 

Alfon Lizarralde udaletxeko ingeniero teknikoa izan da 1982tik, Mailu Solaluze 1977tik kontuhartzailetzako administraria, Ima Epelde ere kontuhartzailetzako administraria izan da 1985etik, Jose Mª Iturzaeta  brigadako lorezaina izan da 1998tik,  Asun Aizpuru  idazkaritzako administraria 1980tik, Jose Mª Galarraga 1984tik liburutegiko teknikaria izan da eta  Arantxa Olaizola 1988 igerilekuko monitorea izan da.