Eskainitako kirol ikastaro ia guztiek egin dute aurrera
2024/09/27
Urriaren 1ean (asteartea) ekingo diete saioei. Behin betiko zerrendei buruzko edo bestelako zalantzaren bat izanez gero, igerilekura deitu behar da.
Kirol Patronatuak aurtengo ikasturterako prestatutako ikastaro ia guztietan izan dira gutxieneko izen-emateak, eta, ondorioz, aurrera egin dute. Ikastaro batzuek, gainera, arrakasta handia izan dute, eta aurreikusita ez zeuden taldeak ere sortu dira horietan.
Aurreko astean egin ziren publiko onartuen zerrendak; zenbait ikastarotan plaza hutsak geratu zirenez, izena emateko beste aukera bat ere zabaldu zen. Behin betiko zerrendei buruzko informazioa igerilekuan eskura daiteke, bertara joanda edo 943 81 41 21 zenbakira deituta.