Eskolako Agenda 2030 programan egindako lana udal ordezkariei erakusteko eguna

Azpeitiko Eskolako Agenda 2030 programaren barruan zer landu duten azaltzeko, udaletxean izan dira gaur herriko lau ikastetxeetako ikasleak. Hain zuzen ere, elikaduraren eta osasunaren bueltan lan egin dute aurtengo ikasturtean, hau da, Garapen Jasangarriko 3. ta 12. Helburuetan.

Ikasleen ordezkariek azaldu dutenez, hainbat puntu aztertu dituzte herriko diagnosia egiteko:

• Hamaiketakoaren azterketa
• Bertakoa eta kanpokoa
• Etiketen azterketa
• Janari soberakinen kudeaketa etxean, jangelan eta ostalaritzan.
• Baserritarren oraina eta etorkizuna.
• Elikaduraren aztarna ekologikoaren azterketa ekoizpen, prozesamendu eta garraiatze faseetan.

Aurtengo ikasturtean egindako diagnosian oinarrituta, datorren urtean gauzatuko den ekintza planerako proposamenak ere aurkeztu dituzte. Joanes Amenabar eta Mikel Odriozola zinegotziek, udaleko ingurumen teknikariak eta Ekoetxeko ordezkariek entzun dituzte ikasleen azalpenak.

Azpeitiko ikasleek 2003-2004 ikasturtetik parte hartzen dute Eskolako Agenda 2030 proiektuan.