Esleitu da Izarraizko atea parkean Skatepark-a egiteko lehiaketa publikoa
2022/01/25
Abenduan abiatu zuen Azpeitiko Udalak Izarraizko Atea Parkean Skateparka egiteko lehiaketa publikoa. Dagoeneko esleitu da eta Zut skateparks sociedad limitada enpresak egingo du parke berria. Zaletuekin adostuta osatu zen proiektua eta 303.907,61€ko inbertsioa egingo da horretarako.
Epe motzean, Skatepark berria izango da Azpeitian. Obrak abian jartzeko lehiaketa publikoa egin da eta aste gutxiren buruan hasiko dira obrak. Azpeitiko Udalak gaur egungo parkean modalitate desberdinetan aritzen diren erabiltzaile eta zaletuen ideia, nahi eta beharretatik abiatuta garatu du proiektua. Dagoeneko lehiaketa publikoa esleitu da eta Zut skateparks sociedad limitada enpresa datozen asteetan hasiko da parkea eraikitzen. Parkea eraikitzeko obrek 16 aste iraungo dute eta 303.907,61€ko inbertsioa egingo du udalak horretarako.
Skatepark berriaren xehetasunak
Skatepark berrian 1.130 metro koadro inguruko pista izango du Izarraizko Atea parkean, Loiolako Inazio etorbidearen ondoko zelaian, zehazki. Parkea inguruan integratuz, eremuari bizia eman eta herriko beharrei erantzutea da helburua. Bertan, street eta art skateboarding modalitateetarako egokia den azpiegitura egingo da. Bi gune izango ditu, baina lotuta egongo dira. Gainera, hasi berri zein esperientzia dun zaleentzako aukera desberdinak eskainiko ditu.
Parkeak erdigunean bainera izango du eta egitura berean hiru zona egingo dira; ertz eta kurba desberdinak izango ditu eta 4,5 zentimetroko spinearen bidez elkartu eta zabalgunean bilduko dira. Horretaz gain, Street gunea ere izangoda erdigunearen eta baineraren artean. Bertan patinatzeko elementu desberdinak izago dira.