Etxe-Alaiko obrak egin ahal izateko, errei bat itxita

Aurrera jarraitzen dute Etxe-Alai auzoa berrurbanizatzeko lehen faseko lanek. Hain zuzen ere, 4 eta 9 zenbakien artean ari dira lanean, eta egin beharreko obrak egiteko, hilabete eta erdian itxita egongo da errei bat. Goranzko trafikoa karakoletik bideratuko da.

Egun batzuetan, ordea, bi erreiak irekiko dituzte: urtarrilaren 18an, 19an, 20an, 25ean eta 26an. Egun horietan, sansebastian jaietako jarduerak daude antolatuta (danborrada, sokamuturra…), eta une batzuetan karakola itxita egongo denez, bi erreiak irekita, joan-etorrietarako aukera bermatuko da.