Etxebizitzetan energia berriztagarriak ezartzeko aukeren inguruan informatzeko tailerra izango da azaroaren 11n; izen ematea zabalik da

Azpeitiko Udalak Foru Aldundiarekin elkarlanean, Gipuzkoa Argitu programaren baitan, etxebizitzetan energia berriztagarriak ezartzeko aukeren inguruan informatzeko tailerra antolatu du azaroaren 11n, 18:30etan, Basazabal jauregian. Energia berriztagarriak zure etxean… posible da! tailerraren helburua herritarrak energia berriztagarriak ezarri ahal izateko beharrezkoak diren irizpideak eta ezagupenak modu argi eta ulergarri batean eskaintzea da. Energia berriztagarrien ezarpenak araudiari lotutako aldaketak jasan ditu berriki eta aldaketa horiek teknologia horien ezarpena erraztu du, baita banakako etxebizitzetan zein etxebizitza-blokeetan. Izaera praktikoa izango duen saio bati esker, energia berriztagarrien instalazioak aurrera eramateko baldintzak zeintzuk diren argituko ditu gaian espezializatutako aditu batek; eta, aldi berean, gure lurraldean martxan dauden instalazioen benetako kasu praktikoen bidez instalazio horietan sortutako energia nola erabili daitekeen azalduko du.

Tailerrean parte hartu nahi dutenek, azaroaren 7a baino lehen izena ematea beharrezkoa da, saioak aurrera egiteko ezinbestekoa baita aldez aurretik ikasleen kopurua ezagutzea. Horretarako, honako bideak erabil daitezke:
Posta elektronikoa bidaltzea ondorengo helbidera: gema@izadi21.eus
Honako telefono zenbakira deitzea: 628 532 248 (astelehenetik ostiralera, 8:00tatik 16:30etara).
Informazio osagarria: www.gipuzkoaingurumena.eus/eu/argitu

Tailerra Gipuzkoa Argitu izeneko programaren baitan kokatzen da eta bere helburua Gipuzkoako sektore ezberdinei (etxebizitzak, merkataritza, enpresa txikiak, etab.) energiaren kontsumoaren murrizketa lortzea, eraginkortasuna handitzea eta energia berriztagarriak bultzatzea da, modu erraz batean.