Familia Txokoan jolasteko aukera egongo da Aste Santuan ere

Herriko haurrek toki estali eta goxo batean jolasteko aukera izan dezaten, Aste Santuan ere irekita egongo da kiroldegiko Familia Txokoa. Bihartik astelehenera, goizez bakarrik zabalduko dute: 11:00etatik 12:30era. Pazko astean, datorren asteartetik ostiralera, 11:00etatik 12:30era eta 17:00etatik 19:30era izango da ordutegia. Apirilaren 6an eta 7an (larunbata eta igandea), eguerdian ez dute itxiko, eta 11:00etatik 19:30era egongo da zabalik.

Familian egoteko jolas eremua da Familia Txokoa; hau da, ez dago hezitzailerik, eta heldu baten ardurapean egon behar dute haurrek. Gunean, hainbat jostailu eta material dituzte espazio zabal batean jolastu ahal izateko.