Familia ugariek zerga hobariak eskatzeko epea zabalik da
2023/03/09
Ondasun higiezinen gaineko eta trakzio mekanikodun ibilgailuen gaineko zergetarako eskariak egiteko epea irekita izango da martxoaren 31 bitartean. Urtero berritu behar izaten da eskaera, beraz, lehendik hobariak dituztenek ere eskaera egin behar dute.
Familia ugariek Ondasun Higiezinen Zergaren (OHZ) eta Trakzio Mekanikodun Ibilgailuen Zergaren (TMIZ) hobariak eskatzeko aukera dute martxoaren 31ra bitartean, Azpeitiko Udalak onartutako 2023ko Ordenantza Fiskaletan zehaztu bezala. Hobarien eskaera urtez urte berritu behar izaten da. Eskaerak udaletxeko Herritarren Arreta Zerbitzuen bulegoan aurkeztu beharko dira eta familia ugariaren titulua eta familia unitateko kideen errenta aitorpeneko agiriak aurkeztu beharko dituzte. Hobariak eskuratzeko beharrezkoa da familiako kide guztiak etxe berean erroldatuta egotea.
Ondasun Higiezinen Zergaren hobaria familiaren Pertsona Fisikoen Errentaren Zergaren (PFEZ) araberakoa izango da:
| Seme alaba kopurua | 0,00€-24.000€ | 24.000€-50.000€ | 50.000€-90.000€ | >90.0000 |
| 3 | %90 | %50 | %15 | 0 |
| 4 | %90 | %70 | %40 | 0 |
| 5 edo gehigo | %90 | %90 | %60 | 0 |
Trakzio Mekanikodun Ibilgailuen Gaineko zerga hobaria aplikatzerakoan ere, PFEZko aitorpenarena hartuko da aintzat.
| Diru sarrrera gordina | 0,00€-24.000€ | 24.000€-50.000€ | 50.000€-90.000€ | >90.0000 |
| Hobaria | %40 | %30 | %20 | 0 |
Baldintzak:
- Familia unitate bakoitzak soilik 5 plaza edo gehiago dituen turismo batentzat izango du hobaria.
- Ibilgailuak gehienez 13,99 zaldi fiskal izan beharko ditu
- Familia ugari horretako kide guztiek Azpeitiko etxebizitza berean egon behar dute erroldatuta.