Gaueko autobus zerbitzu bereziak egongo dira saninazioetan

Uztailaren 30ean eta 31n eta abuztuaren 1ean gaueko autobus zerbitzuak jarriko ditu aldundiak Azpeititik inguruko herrietara itzuli ahal izateko.

Honako ordu hauetan aterako dira Azpeititik:

Azpeitia – Azkotia. 00:10ean izango da gaueko lehen zerbitzua, eta handik aurrera, 01:40-06:40 tartean, orduro (hogei gutxiagotan aterata).

Azpeitia – Zestoa. 01:10ean, 03:10ean eta 05:10ean.

Azpeitia- Errezil. 02:00etan eta 04:00etan.

Azpeitia – Zestoa – Zumaia. 00:30ean.

Azpeitia – Zestoa- Zumaia- Getaria – Zarautz. 02:30ean eta 04:30ean

Uztailaren 30etik 31rako gauean bakarrik.

Azpeitia – Errezil. 06:00etan.

Azpeitia – Zestoa – Zumaia. 06:30ean.

Nagore Alkorta Azpeitiko alkateak esan du gaueko autobus zerbitzu horiek asko eskertzen dituela udalak, saninazioez gozatzeko aukera ematen dietelako inguruko herrietako herritarrei, “alferrikako arriskurik hartu gabe”. “Aurten gainera, kontuan izan behar dugu kontzertu oso onak ditugula, eta jende asko espero dugula kanpotik ere”.

Azahara Dominguez Mugikortasun diputatuak, berriz, gogoratu dute jende askorentzat garraio publikoa dela herri batetik bestera joateko modu bakarra. “Aisialdirako sarbidea ere bermatu behar dugu”.