Gizarte, kultura eta kirol taldeen lana sustatzeko 321.527€ bideratu ditu udalak 9 dirulaguntza lerroren bidez

Azpeitiko Udalak herriko gizarte, kultura eta kirol elkarteen lana sustatu eta laguntzeko helburuz, hainbat diru-laguntza lerro jarri ditu abian. Zehazki bederatzi dirulaguntza lerrotako deialdia jarri du abian, eta guztira 321.527€ biedratuko ditu horretara.

1.    Gizarte-zerbitzuetako laguntzak. 135.000€

• Elkarteentzako dirulaguntzak, gizarte-zerbitzuen eta osasunaren arloan jarduerak egiteko (hitzaldiak, sentsibilizazio kanpainak, jarduerak...). 33.000€, eskaera aurkezteko epea maiatzaren 23an bukatzen da.
• Gizarte-zerbitzuen eta osasunaren arloko elkarteak mantentzeko dirulaguntzak (mantenu gastuak). 12.000€, eskaerak aurkezteko azken eguna maiatzaren 23an bukatzen da,
• Elkarteentzako dirulaguntzak, herrialde pobretuetan garapenerako lankidetza-proiektuak egiteko (Garapen bidean dauden herrialdeetako proiektuak). 70.000€, eskaerak aurkezteko epea maiatzaren 23an bukatuko da.
• Nazioarteko lankidetzan borondatez parte hartzen duten pertsonentzako dirulaguntzak (garapen proiektuetan bertatik bertara parte hartzeko laugntza) 5.000€, eskaerak maiatxaren 23a baino lehen egin beher dira.
• Larrialdi-egoeretan ekintza humanitarioak eta puntualak egiteko proiektuak gauzatzeko dirulaguntzak (hondamendi natural zein aurreikusigabeko krisi humanitarioak laguntzeko). 15.000€, eskaerak egiteko epea abenduaren 1ean bukatuko da.

2.    Kiroletako dirulaguntzak. 95.000€

2.A) Azpeitiko kirol-klubei zuzendutako kirol-arloko dirulaguntzak.

• Kirol-kluben jarduera arrunta eta egitura garatzeko dirulaguntzak. 43.000€, urriaren 27ra arte aurkez daitezke eskaerak.
• Kirol-klubek osasun-azterketak egiteko dirulaguntza. 6.000€, urriaren 27a izango da eskaerak erregistratzeko azken eguna.
• Kirol-kluben kualifikazio teknikoa garatzeko dirulaguntza. 6.000€, urriaren 27a arte aurkez daitezke eskaerak.

2.B) Eskola-kirola: eskola-kiroleko tokiko programak finantzatzeko dirulagutzak. 40.000€, maiatzaren 18a arte egin daitezke eskaerak.

3.    Kulturako dirulaguntzak. 91.527€. 

• Azpeitiko kultura-elkarteei zuzendutako urteko programak edo kultura-jarduerak finantzatzeko dirulaguntzak. 47.500€, eskaerak ekainaren 8ra arte aurkez daitezke.
• Azpeitiko herrian egingo diren herri festetako programen garapena finantzatzera zuzendutako dirulaguntzak. 44.027€, festak hasi baino hilabete aurretik egin beharko da eskaera beranduenez.