Goienetxeko kideek egindako materialak, Gabonak apaintzeko prest

Goienetxe fundazioko kideek berrerabilitako materialekin apaingarriak egin dituzte aurten ere Gabonetarako. Datozen asteetan ikusgai egongo dira herriko eraikin publikoetan, Bertan merkatari elkarteko saltokietan nahiz Goienetxerekin harremana duten hainbat elkarte eta eragileren egoitzetan.

Apaingarriak banatzen hasita daude Goienetxeko kideak, eta horietako batzuk dagoeneko ikusgai ere badaude. Kafe kapsular, soka eta kartoiak berrerabilita egin dituzte apaingarriak Goienetxeko kideek.