Datozen talde eztabaidak
Urriaren 5a. Aisialdia, kirola eta jaiak.
Urriaren 18a. Kultura eta sormena.
Urriaren 19a. Bizilagun berriak.
Urriaren 25a. Lan mundua, zerbitzu publikoak eta turismoa.
Urriaren 26a. Euskalgintza.
Hasi dira euskara plana osatzeko lan-saioak
2022/10/05
Atzo ekin zion Azpeitiko Udalak, Emunen gidaritzapean, euskara plana osatzeko prozesuaren lan-saioei. Atzokoan hezkuntza eta familia arloak lantzeko abagunea izan zuten. Guztira 15 bat lagun elkartu ziren; ikastetxe, guraso elkarte, herri hezitzaile taldeko kideak zein herritar norbanakoak eta herrian euskarak duen egoeraz zein etorkizunera begirako erronkez aritu ziren.
Ertz batzuetan positibo eta beste hainbatetan ezkor aritu ziren parte hartzaileak, baina guztiak ere euskararen erabilera, batez ere, txiki eta gazteenen artean sustatzeko beharra azpimarratu zuten. Eneritz Albizu Euskara Batzordeburuak "euskara plana osatzeko prozesuan parte hartzea parte hartzea eskertu" nahi izan zien. "Aurrera begira, euskara plana osatzean horren jarraipena egingo duen euskara mahai bat osatzea dugu helburu eta guztiok animatu eta gonbidatu nahi zaituztet bertan parte hartzera" zehaztu zuen.
Gaur bigarren bilera izango da. aisialdia, kirola eta jaiak izango dira hizketagai. Atzo bezala, gaurkoan ere 18:30etatik 20:00etara bitartean izango da bilera Basazabal Formazio Zentroan.
Inkestak ostiralera arte bete daitezke online
Azpeitiko Udalak Euskara Plana osatzea du erronka, datozen urteetako erronkak identifikatu eta lantzeko asmoz. Hori dela eta, herritarren iritziak jasotzeko inkesta bat ere jarria du abian. Ostirala bitartean, nline ere egin daiteke inkesta hemen. Bi minutuan betetzen da inkesta eta udalak herritarrak animatu nahi ditu parte hartzera. Herritarren zenbat eta parte hartze handiagoa izan orduan eta plan oso eta egokiagoa osatuko delako.