Haur eta nerabeen astea hasiko da bihar

Aurten, lehen aldiz, herriko Udal Ludotekek eta Gaztelekuak haur eta nerabeen astea antolatu dute, eta ekainaren 13tik 16ra ekintza desberdinak egingo dituzte. Egitasmoaren helburua Udal zerbitzuak herrira zabaltzea da. Ikasturtean, zerbitzuetan parte hartzen duten bazkideekin egin ohi dira ekintzak eta aste honetan herriko haur eta nerabe gehiago ezagutzea nahi dute.

Ekainaren 13tik 16ra hainbat ekintza egingo dituzte haurrei eta nerabeei zuzenduta. Haurren kasuan, ekintzak irauten duten bitartean gurasoen ardurapean egongo dira, nahiz eta ekintzak bideratuko dituztenak Ludoteketako hezitzaileak izan. Parte hartzeko ez da aurrez izena eman beharko. Hala ere, nerabeentzako futbito txapelketan parte hartzeko izena eman beharko dute.