Haur filosofia tailerra egingo dute larunbatean

Urtea hastearekin bat, berriro ere ekingo diete haurren filosofia tailerrei. Larunbatean izango da hurrengo saioa, Basazabal Formakuntza Zentroan, 17:00etatik 18:30era. LH3tik LH6ra arteko ikasleek izaten dute parte hartzeko aukera, eta Jakinmin Praktika Filosofikoen Elkarteak egiten ditu dinamizazio lanak.

Parte hartu ahal izateko, 943 25 50 06 zenbakira deitu edo hezkuntza@azpeitia.eus helbidera idatzi behar da. Hiru saio egin dira orain arte, eta beste hiru geratzen dira ikasturte honetan: larunbatekoa, otsailaren 3koa eta martxoaren 2koa.