Hauteskunde Orokorretarako mahaikideak hautatzeko plenoa asteartean, ekainak 27, egingo da

Datorren asteartean, ekainak 27, 09:30ean egingo da uztailaren 23an egingo diren Gorte Nagusietarako hauteskundeetarako mahaietako karguen zozketa.

Herritarrek egun horretan bertan kontsultatu ahal izango dute udalaren webgunean (www.azpeitia.eus) hauteskundeetan mahaian egotea egokitu zaien edo ez. Horretarako erabiltzaileak bere NAN zenbakia sartu beharko du dagokion atalean eta sistemak erantzungo dio tokatu zaion ala ez, eta erantzuna baiezkoa bada, titularra edo ordezkoa den eta zein mahaitan egotea dagokion. Hala ere, mahaian egotea tokatu zaien herritarrei ohi bezala etxera bidaliko zaie karta zertifikatua jakinarazpenarekin.