Herri eragileekin bilera egingo du Udalak asteazkenean, uztailak 3, 19:00etan Sanagustinen

Herriko arlo desberdinetako eragileekin bilera egingo dute bihar udal arduradun politiko berriek. Ekainaren 15ean kargua hartu zutenetik lanean ari dira, eta eragileekin elkartu nahi dute antolaketa berria azaldu eta elkar ezagutzeko. Bilera irekia izango da eta edonork har dezake parte. 

Gaur arratseko plenoan 2019-2023 agintaldi berriko lan arduretarako banaketa eta izendapenak egingo dira, eta Udal berriak, bihar, Uztailak 3, asteazkena, 19:00etan hasita bilera egingo du herriko arlo desberdinetan lanean ari diren herritar eta eragileekin. 

Bilera irekia izango da, eta bi helburu izango ditu: alde batetik, elkar ezagutzea eta iritziar trukatzeko espazioa sortzea; eta bestetik, batzordeburu berrien izendapenen eta batzordeen osaketaren berri ematea.