Herri hezitzaile filosofiako lan egiteko moduak herrian txertatzea erronka

Pasa den urtean herriko eragile, ikastetxe eta Udalari baloreen hezkuntzaren inguruan eginiko diagnostikoan identifikatuz zituen erronkei erantzungo dien plangintza diseinatzen aritu da azken hilabeteotan Azpeitia herri hezitzailea ekimenaren talde eragilea. Hurrengo urteetarako herri hezitzailearen filosofia eta baloreen hezkuntzaren lan egiteko moduak herrian txertatzen jarraitzeko lan ildo nagusiak finkatu dira eta arloka aurrera eraman nahi diren ekimen nagusiak definitu ditu talde eragileak.

1. SARE SOZIALAK: Herri hezitzailaren filosofia herrian txertatzen jarraitzeko komunikazioa iraunkortuko dute, horrtarako sare sozialak sortu dituzte. Azpeitiko herri hezitzailea instagram eta facebook kontuetan aurki daiteke gaiarekin lotutako informazioa.

2. KONPROMISOEN DEKALOGOA. Diagnostikoaren ondoren konpromisoen dekalogoa egitea tokatzen da. Aurtengo ikasturtea arlokako mahaietan beraien arloan landu nahiko lituzketen konpromisoak identifikatu eta urte bukaerarako dekalogoa osatzea nahi da. Dekalogoa jardunaldi batzuetan aurkeztu eta berau betetzera animatuko dituzte eragileak. Bakoitzaren erritmoak errespetatuz eta, dekalogoko helburuak bete ahal izateko tresnak eskainiz.

Esate baterako, Emakume mahaiarekin elkarlanean dekalogoan parekidetasunean identifikatu diren erronkei aurre egiteko, eragileei indarkeria protokoloak diseinatzen laguntzea eta, hizkera ez sexista sustatzeko baliabideak eskura jartzea ahalbideratzea lortu nahi da.

3. KIROLA: eskola kiroleko entrenatzaile eta gurasoei, ikastetxe eta klubei formazioa eskainiko zaie.

Irailaren 14an izango da Soreasun, 11:00-13:00, Eskola kirola herri hezitzaile ikuspuntutik. Kirola helbura izatetik, baloren hezkuntzarako tresna izatera pasatzeko eskola kirola egiten ari den lan ildoan sakontzea izango da formazioaren helburu nagusia.

Egitaraua:
11:30: Sarrera hitzak
11:45: Zer da Eskola kirola?
12:00: Herri hezitzailearen filosofia eta eskola kirola
12:15: Galderentzako tartea
12:30-13:30 Mahai ingurua

4. GAZTERIA: batetik, gazteekin aisialdi eredu berri baten beharraren inguruko hausnarketaneta parte hartze prozesu bat burutuko dugu.
Eta bestetik, haurren kontseilua eratzeko saiakera bat egingo dugu. Herriko haurrekin herriko erabakietan parte hartzeko kanal iraunkor bat sortzeko.