Herriko hemeretzi haur parkeen konponketa lanak aurrera doaz

Haurrei jolaserako eremu seguru eta egokiak eskaintzeko helburuz, Azpeitiko Udalak herriko 31 haur parkeetatik hemeretzitan konponketa lanak abian ditu. Haur-parkeen egoera aztertzeko helburuz, parkeen inbentarioa egin eta beren erabilera funtzionala egin zen lehenik eta azter-lana oinarri hartuta bi leihaketa publiko gauzatu ondoren, konponketa lanak egiten ari dira azken asteotan. Aste honetan, besteak beste, Done Jakue kaleko haur-parkearen lurra aldatzeko lanak gauzatuko dituzte; horren ondorioz, lanak irauten duten bitartean itxita izango da.

19 haur parketan hobekuntzak egingo dira. Done Jakue parkeko lur osoa aldatuko da eta plaza ondoko parke estalian zein beste batzutan hobekuntzak egingo dira. Horretaz gain, jolaslekuak edo jolasak konpondu edo berritu ere egingo dira beste guneetan. 59.144,11€ko inbertsioa egingo du udalak horretarako

Hiru parke berri
Konponketak egiteaz gain, gaur egun, haur parkeak dauden hiru eremu erabat berrituko dira; Balentina Agirre, Iñaki Azpiazu eta Etxe-Alaikoa. Haur parke horietan dena berrituko da. Berritzerakoan kontutan izan dira adin desberdinetako haur eta gaztetxoen beharrak eta gaur egungo parkeen erabilerak, eta aniztasun funtzionala duten herritarrentzako ere egokiak diren jolasak jarriko dira.