Hilabetean aisiaz gozatu ostean, gaur bukatuko dira Udal Udalekuak

Gaur bukatuko dira aurtengo Udal Udaleku irekiak. Lau astean hainbat ekintza egin dira herriko haurrekin eta nerabeekin, hala nola, bizikleta irteera, ur jolasak, tren museora goiz pasa, altxorraren bila, eskalada, mota ezberdinetako jolasak, egun pasak, batukada, etab. Haurren eta nerabeek oso harrera ona izan dute ekintza horiek eta beren parte hartzea oso positiboa izan da.

Hezitzaile zein koordinatzaile lan-taldea handia izan arren, oso ondo moldatu da eta beraiek egin duten lan ona ere aipagarria da. Eguraldia lagun izan ez arren, bestelako alternatibak bilatu dira, aisialdiaz gozatu ahal izateko.

Azkenik, Udal Udaleku ireki hauetan parte hartu duten guztiak eskertu nahi dira, izan haur, nerabe, guraso, hezitzaile edo herriko eragileetako kide. Guztien elkarlanari esker izan direlako posible Udal Udalekuak.