Hilaren 17an egingo da urteko lehen Plazatarrak

Badator urtarrileko Plazatarrak, oraingo honetan hilaren 17an, ostiralean, izango da, arratsaldeko 17:30etatik 19:00etara eta herri kirolak egitea dute asmoa. Horretarako, herriko plazan elkartuko dira parte hartzaileak.

H.H 5etik L.H 6ra bitarteko haurrei eta beren gurasoei zuzendutako ekintza izango da, eta ezinbestekoa izango da izena ematen duten 4 umeko gutxienez arduradun batek izena eman eta ekintzan parte hartzea.

Izen-emate epea urtarrilaren 16a, ostegunera arte izango da zabalik herriko bi Ludoteketan eta Gazte Informazio Bulegoan; bertaratuz, telefonoz (943 15 71 60) edo mezu elektronikoa bidaliz (gib@azpeitia.eus).