Hiritartasun Eskolan eta haur filosofia ikastaroan izen emateko epea irekiko da astelehenean

Azpeitiko Udalak ikasturte berriarekin batera hainbat ikastaro eta tailer jarriko ditu abian. Tartean, iaz ere egin ziren bi izango dira. Alde batetik, Deustuko Unibertsitatearekin elkarlanean, Hiritartasun Eskolaren baitan, literatura, artea eta historiako saioak eskainiko ditu. Bestetik, haur filosofia tailerrari ere berriro eskainiko da gaztetxoentzat. Bi ikastaro horietako izen ematea astelehenean irekiko da. 

LITERATURA, ARTEA ETA HISTORIA IKASTAROA
Urriaren 2an hasita Literatura, Artea eta Historiako ikasgaiak emango dira Basazabal jauregian. XIX eta XX.mendeko artea eta kultura landuko dira ikastaro honetan.

Ikastaroa urrian hasi eta ekainean bukatuko da. Ikastaro hau Deusto Unibertsitateko irakasleek emango dute eta astelehenero izango da 17:00-19:00 bitartean.

Ikastaroan interesa dutenek Udaleko hezkuntza zerbitzuan entregatu beharko dute izen emate inprimakia ordainagiriarekin batera
Izen emate epea irailaren 11tik 22ra izango da.

Ikastaroaren kostua partehartzaileentzat 40eurokoa izango da azpeitiarrentzat eta 50 Azpeititik kanpokoentzat.

HAUR FILOSOFIA TAILERRA
Iazko arrakasta ikusirik, udalak Jakinmin elkartearekin batera haurrentzat filosofia tailerrak antolatu ditu. Urrian hasi eta martxora arte hilean behin larunbatez izango dira saioak Basazabal Formazio Zentroan, 17:00etatik 18:30era bitartean. Tailer hau LH3tik 6ra bitarteko gaztetxoei zuzendurik dago eta Jolasaren bidez pentsatu eta hausnartzeko denbora hartzea du helburu. 

Egutegia
• Urriak 7, larunbata
• Azaroak 4, larunbata
• Abeduak 2, larunbata
• Urtarrilak 13, larunbata
• Otsailak 3, larunbata
• Martxoak  2, larunbata

Izena emateko irailaren 11tik aurrera honako loturan https://forms.gle/Tmn7YpYuBK9cuCbq5 edo
Udaleko Hezkuntza Zerbitzura deituaz 943 255006