Hondakin bilketa egingo dute igande goizaldean, arazoaren inguruan sentsibilizatzeko

Igande goizaldean, santotomas egunaren biharamunean, herritar talde batek eta Eguzki taldeak, Udalarekin koordinatuta, festetan ere herriko kaleetan sortzen diren hondakinen inguruan sentsibilizatzeko, hondakinen bilketa egingo dute. Goizeko 05:00etatik 07:00etara bitartean egingo dute bilketa, Aranetik hasi eta Perez Arregi plazatxora bitartean. 

Ekintza horrekin, festetan zein egunerokoan kalean bildu edo ibaian zein itsasoan buka dezaketen hondakinen inguruguruan sentsibilizatu nahi dituzte herritarrak. Biltzen dituzten hondakinak Perez Arregi Plazan elkartuko dituzte eta bertan izango dira abenduaren 24ra arte, ikusgai. 

Igande goizaldeko ekintzan edo aurrerago gaiaren inguruan egiteko asmoa duten ekintzetan parte hartzeko interesa dutenek  688 815 839 (Aitor) telefonora deitu dezakete.