Iaz jarritako habi-kutxak ikuskatzeko tailerra izango da apirilaren 28an, Ekoetxean
2019/04/22
Iazko apirilean Txoribox edo txorientzako habi kutxak egiteko tailerra egin zen Ekogunean. Hala, kutxak egin eta hainbat zuhaitzetan jarri zituzten saioan parte hartu zutenek. Aurten, kutxa horietan arrautzarik jarri ote duten edo txitarik ba ote dagoen begiratuko dute. Horretan ari direla, ordea, inguruko landareak eta beste txori edo animaliak ikusteko aukera ere izango dute, hainbat tresna erabiliz.
Ekintza hori, Ekoetxeak antolatzen dituen familientzako ekintzen baitan antolatu da, eta doakoa izango da. Hala ere, aurrez izena eman behar da saioan.
Ikastaroaren inguruko informazioa
Eguna: Apirilaren 28an, igandea
Ordua: 11:00etatik 12:30etara.
Nori zuzendua: 6 urtetik 12 urtera bitarteko umeei eta beraien familiei
Aurrez izena eman behar da: Apirilaren 26ra bitartean, museo@ingurugiroetxea.org helbidean edo 943 81 24 48 telefonora deituta
Plaza mugatuak