Itzulpen automatikoa / Machine translation

Ibaieder eta Errezil erreken garbiketa, azken txanpan

2020/10/22
Ibaieder eta Errezil  erreken garbiketa, azken txanpan

Urola ibaian Azpeitian aintzat hartuta, eta ingurugiroa zaindu eta babesteko konpromisoaren baitan, urriaren hasieran Urola ibaiarekin bat egiten duten Ibaieder eta Errezil errekak garbitzeari ekin zion Azpeitiko Udalak. Azken urteotan, ibaia eta bere ingurua balioan jarri eta babesteko lan neurri ezberdinak hartu ditu Azpeitiko Udalak. Orain, Urola ibaiarekin elkartzen diren Errezin eta Ibaieder sakon garbitzeko neurriak hartu ditu.


Azken urteotan herriko ikasle eta boluntarioen bidez, sentsibilizazio ekintza gisa, Urola ibaiaren garbiketa egin izan da. Hala, urtero Sanjuandegitik Madalena auzora arteko zatea garbitu dute herriko gazteenek. Aurtengoan, ez da posible izan ekintza hori egiterik, eta Azpeitiko Udalak pauso bat gehiago eman eta ibaiaren garbiketa sakona egitea erabaki zuen: “Ibaia garbiago izateko lanketa egiten ari gara herritar talde batekin, eta Errezil eta Ibaiederren garbiketa sakona egitea ekintza egokia izan zitekeela iruditu zitzaigun”, adierazi du Aitor Bereziartua Ingurumen zinegotziak.

Bi Erreka horiek Azpeitian egiten dute Urola Ibaiarekin bat, eta Txukun lorazantza enpresaren bidez garbitzen ari dira.

Sarexkak, zikinkeriarentzat
Ibaia garbi mantzentzeko konpromiso horretan, Urola eta Ibaieder hondakinetatik babesteko burdin-sareak jartzen ari da. 2019.urtearen bukaeran, herritar talde baten eskariz, hasi zen Udala horretan. Baranda duten ibaiaren ertzak babesteko burdinezko sarexka jartzeari ekin zion. Dagoeneko ia herri guztian sarexkaz babestuta dago ibaia. Bukatzean, guztira, 1.028 metro sarexka jarrita izango dira herrian. Hala ere, ibaia eta ingurumena babesteko neurri eraginkorrena bakoitzak bere hondakinekin arduraz jokatzea dela azpimarratu nahi izan du. Ibaiak eta errekak garbi mantentzea guztion ardura baita.

 Ibai garbiketa, irudietan

 

 

WhatsApp Image 2020 10 22 at 09.40.28 1

WhatsApp Image 2020 10 22 at 09.40.28

 

WhatsApp Image 2020 10 22 at 09.40.27

 

WhatsApp Image 2020 10 22 at 09.40.25

 

WhatsApp Image 2020 10 22 at 09.40.23

WhatsApp Image 2020 10 22 at 09.40.19

 

WhatsApp Image 2020 10 22 at 09.40.17 3

5b8e512a 7e3a 4d26 9c39 8b9def740198