Igandean banatuko da Euskal Antzerki Topaketetako Ikuslegoaren Saria

40. Euskal Antzerki Topaketen Ikuslegoaren Saria igandean banatuko da. Saria, Lehendakari gaia antzezlana hasi aurretik banatuko da, Soreasu antzokian, 19:00etan. Ikuslegoaren Saria, Antzerki Topaketen baitan, antzezlanak ikustera joaten diren herritarrek emandako puntuazio altuena jasotzen duen lanari ematen zaio. Aurtengoan, programazioko 11 antzezlanen artean puntuazio altuena nork jaso duen igandean argituko da. 

Lehendakari gaia antzezlana, topaketak pasatu ostean, Azpeitian eskainiko diren bi antzerki gomendioetako bat da. Sarrerak eskuragai daude Kulturazen webgunean.