Igandean irekiko dute Neguko Topalekua

Hasi da hotza, eta haurrek neguan jolaserako toki goxo bat izan dezaten, aurten ere irekita egongo da Azoka Plazako Neguko Topalekua igandeetan. Hain zuzen ere, igande honetan (azaroak 17) izango du lehen eguna.

LH3-LH6 bitarteko haurrek dute topalekura joateko aukera. Igande arratsaldetan, 16:30etik 19:00etara egoten da irekita, eta ez dago aurrez izena eman beharrik joateko. Udaleko Gazteria Zerbitzuko bi hezitzaile egoten dira topalekuan, eta hainbat ekintza egiteko aukera izaten dute haurrek.

Neguko Topalekuaren aurtengo datak:

• Azaroak 17, 24
• Abenduak 1, 8
• Urtarrilak 12, 26
• Otsailak 2, 9, 16, 23
• Martxoak 9, 16, 23, 30
• Apirilak 6,13