Itzulpen automatikoa / Machine translation

Ikasleak prest Korrika Txikirako

2024/03/18
Ikasleak prest Korrika Txikirako

Gero eta gutxiago falta da 23. Korrika Azpeitira iristeko. Asteazken goizaldean sartuko da euskararen aldeko ekimena herriko kaleetan, 04:30 inguruan. Aurrez, bihar arratsaldean, Korrika Txikian parte hartuko dute herriko ikasleek.


Karmelo Etxegarai, Ikasberri eta Iraurgiko HH4tik LH6ra arteko ikasleak aterako dira Korrika Txikian. Igerileku parean emango diote hasiera ekitaldiari, 15:30ean, eta plazan bukatuko dute, 16:30 aldera.
Igerilekutik hasita, anbulatorio aurretik barrena, Julian Elortza etorbideko biribilguneraino joango dira; biribilguneari buelta eman, eta Enparan Dorretxe ondoko zubitik Alde Zaharrean sartuko dira, eta lau kaleetatik igaroko dira.

Plazan, Musika Eskolako trikitilariak egongo dira zain. Ondoren, hiru ikastetxeetako ordezkariak udaletxera igoko dira, eta lekukoaren barruan dagoen mezua irakurriko dute udal ordezkariekin batera.