Ikasturte berriko bi ikastarotako izen ematea zabaldu du udalak

Azpeitiko Udala ikasturte berrirako ikastaro eta tailerren eskaintza osatzen ari da. Hala, datozen hilabeteetarako bi ikastaro abian jarriko ditu. Hala, dagoeneko ireki du ikastaro horietarako izen ematea. Alde batetik, Literatura, artea eta historiari buruzko ikastaroa emango du. Ikastaro hau, aurrez ere eman izan da eta duen harrera ona ikusirik, ikastaroa ematen jarraituko da. Astelehenero 17:00etatik 19:00etara eskainiko da, urriaren 3an hasita. Eta, bestetik, ongizate emozional eta autozainketa tailerra ere eskainiko da. Ikastaro hori, irailaren bukaeratik azaroaren bukaera bitartean emango da, ostegunetan. 

LITERATURA, ARTEA ETA HISTORIA IKASTAROA
Urriaren 3an hasita Literatura, Artea eta Historiako ikasgaiak emango dira Basazabal jauregian. XIX eta XX.mendeko artea eta kultura landuko dira ikastaro honetan.

Ikastaroa urrian hasi eta ekainean bukatuko da. Ikastaroa Deusto Unibertsitateko irakasleek emango dute eta astelehenero izango da 17:00-19:00 bitartean.

Ikastaroan interesa dutenek Udaleko hezkuntza zerbitzuan entregatu beharko dute izen emate inprimakia ordainagiriarekin batera irailaren 22a baino lehen. Taldea gehienez ere 40 lagunekoa izango da eta taldearen osaketa izen ematearen hurrenkeraz egingo da.

Ikastaro honen kostua partehartzaileentzat 40€-koa izango da azpeitiarrentzat eta 50€-koa Azpeititik kanpokoentzat.
 

ONGIZATE EMOZIONALA ETA AUTOZAINKETA TAILERRA
Ongizate emozionala izatea bizitza osasuntsu, zoriontsu eta betea lortzeko oinarria da. Tailer honetan autozainketarako gakoak emango dira.

Egunak: Irailak 29, Urriak 13 eta 27, azaroak 10 eta 24 (ostegunak)
Ordutegia: 18:00-20:00
Basazabal jauregian
Izen ematea: hezkuntza@azpeitia.eus helbidean edo 943 255006 - 688 845 118 telefonoan.
Prezioa: 15€
Dinamizatzailea: Saioa Garmendia