Inar optikak irabazi du 12. Erakusleiho Lehiaketa
2023/12/28
Zein baino zein ederrago daude egunotan Azpeitiko dendetako erakusleihoak. Izan ere, 29 saltokik parte hartu dute Azpeitiko Udalak eta Bertan merkatari elkarteak antolatzen duten erakusleiho lehiaketan. Sari nagusia Inar optikarentzat izan da, eta bigarren eta hirugarren geratu dira, hurrenez hurren, Kotoi mertzeria eta Irene Altuna loradenda.
Atzo egindako sari banaketan, 100 urte bete dituen Agirre denda eta 25 urte bete dituzten Zuri Beltz arropa denda eta Kibuc Gure Ametsa saltokiak ere omendu zituzten.
Era berean, atzo arratsaldean bertan egindako marrazki lehiaketako sariak ere banatu zituzten ekitaldian. HHkoen mailan, Jare Aldanondo (irabazle), Paule Landa (bigarren) eta Udane Caballero (hirugarren) izan ziren irabazleak; LH1, LH2 eta LH3koen artean, Julen Arrizabalaga (irabazle), Xuhare Elduaien (bigarren) eta Goiatz Etxaniz (hirugarren); eta LH4, LH5 eta LH6koen artean, Unax Aranbarri (irabazle), Ekaitz Goenaga (bigarren) eta Luken Larrañaga (hirugarren).
