Industria enpresa eta erakuntza gremioen eskualdatzean laguntzea erronka

Azpeitiiko Udalak, Iraurgi Berritzen, eskualdeko Garapen eta Berrikuntza Agentziaren bidez, Establezimenduen Eskualdatzea ardatz hartuta lan lerro ezberdinak jarri ditu abian.

Kezka sortzen duen egoera bati erantzuna ematera dator ekimena. Azken urteetan, ekonomikoki errentagarriak izanda ere izaera ezberdineko establezimendu ugarik itxi ditu bere ateak. Horietako asko, errelebo edo jarraipen ezagatik itxi dira horrek eskualdeko herriguneetan, enpleguan nahiz ehun ekonomikoan duen eragin nabarmenarekin.

Hori dela eta, ekimenaren helburua, egun eta etorkizun hurbilean eskualdatzeko nahian egon daitezkeen establezimenduak identifikatu eta prozesuan bidelagun izatea lortu nahi da. Besteak beste, Iraurgi Berritzenek, oinarrizko aholkularitza eskaintzeaz gain, eskualdatze gaietan adituak diren eragileekin bitartekaritza eskainiko du.

Hiru jarduera desberdinetan zentratuko da GipuzLan-Eskualdatzea izena duen ekimena -Gipuzkoako Foru Aldundiaren babesarekin -, Merkataritza establezimenduak, industria empresa txikiak eta eraikuntzako gremioetan hain zuzen ere.

Lehen lan lerroak merkataritza arloan jarri dira abian. Besteak beste, azken hilabeteetan “Autonomoen erretiroa”, “Negozioen balorazioa eta eskualdatzea” edota “Berrikuntza diagnostikoak merkataritzan” jardunaldiak egin dira Azkoitia, Azpeitia eta Zestoako merkataritza elkarteekin –Herrixen, Bertan eta Zestoan elkarteak- elkarlanean. Era berean, merkataritza elkarteekin lankidetzan, merkataritza arloan eskualdatze gaiak lantzeko lan talde zehatza sortu da.

Datozen hilabeteetan,  ekintzak industria enpresa nahiz eraikuntza gremioetara hedatzea aurreikusten da.

Bitartean, eskualdean, eskualdatzeko interesa izan dezaketen establezimenduek Iraurgi Berritzen Garapen eta Berrikuntza Agentziara jo dezakete aholkularitza jasotzera.

HARREMANETARAKO:

Alazne Larrañaga
Ardura: Merkataritza Arloa
Mugikorra: 688 71 87 77
e-maila: alarranaga@iraurgiberritzen.eus
weba: www.iraurgiberritzen.eus