Ireki da Udabenturako ekintzetan izena emateko epea

Azpeitiko Udal Udaleku irekietan HH2 eta LH6 bitarteko haurrentzako izen ematea itxita, DBH-ko lehen mailatik Baxilergoko bigarren maila arteko nerabeentzako antolatutako Udabenturako ekintzetarako izen-ematea zabaldu da.
Ekintzak ekainaren 26tik uztailaren 7ra burutuko dira eta izen-emate epea ekainaren 10era arte, larunbata, izango da zabalik. Online zein aurrez aurre egiteko aukera dago Gaztelekuan zein Gazte Informazio Bulegoan.

Ekintza desberdinak antolatu dira eta ekintzetara banaka eman daiteke izena; ekintza bakoitzak bere kuota du. Besteak beste, sukaldaritza, eskalada, irteera bat Hontza abentura parkera, surf edo DJ ikastaroak egiteko aukera izango da.