Ireki dute dislexiari buruzko erakusketa Betharram erakusketa aretoan

Ostegunean 'Burmuina, hezkuntza eta dislexia' izeneko hitzaldia eskainiko dute Dislegi elkarteko kideek.

Dislexiari buruzko hainbat jarduera izango dira datozen egunotan Azpeitian. Gaur, dislexia zer den eta dislexia dutenek zer zailtasun dituzten azaltzen duen erakusketa ireki dute Betharram aretoan. Hainbat panelek osatzen dute erakusketa, eta igandera arte egongo da zabalik.

Ostegunean, maiatzak 23, hitzaldi bat ere eskainiko dute Dislegi elkarteko Inga Segurolak eta Izaskun Ortizek. 18:30ean izango da, Basazabalen, eta Burmuina, hezkuntza eta dislexia izango du izenburua. Horrez gain, irakurketa errazeko liburuen txokoa atonduko dute Azpeitiko udal liburutegian.