Irisgarritasuna hobetzeko lanak hasiko dituzte, astelehenean, Olazko Amaren plazan
2024/05/31
Herriko irisgarritasuna hobetzen jarraitzen du Azpeitiko Udalak. Astelehenean, ekainak 3, Arana kalea eta Olazko Amaren plaza lotzen dituen zatian hasiko ditu lanak. Aurreikuspenen arabera, bi hilabete inguru iraungo dute.
Besteak beste, zebra-bide bat egingo dute. Hain zuzen ere, edukiontziak amaitu eta aparkalekua hasten den puntutik igogailu parera arte errepidea gururatzeko balioko du zebra-bide horrek. Horrez gain, malda bat ere egingo dute eremu horretan dauden eskaileren ondoan. Bestelako hobekuntza batzuk ere biltzen ditu proiektuak.
Lanek irauten duten bitartean, edukiontziak tokiz mugituta egongo dira. 78.900 euroko aurrekontua dute lanek.