Itsasiren dantza ikuskizunarekin hasiko da, larunbatean, Azpeitia Dantzan

Dantza ikasten eta dantza egiten ehundaka haur, gazte eta heldu ibiltzen dira urtez urte Azpeitian. Estilo eta erritmo desberdinetako dantza mota ugari ikas daitezke, eta hori islatuko du aurtengoan ere Azpeitian Dantzanek. Datorren larunbatean hasi eta hiru asteburutan, dantzaren magiak hartuko du Azpeitia.

Uztailero bezala herriko dantza talde edo eskolek prest dute Azpeitia Dantzan programarako beraien ikuskizuna. Lehen saioa larunbatean eskainiko du Itsasi dantza taldeak 19:00etatik aurrera Soreasu antzokian.

Bigarren saioa saloiko dantzen ikuskizuna izango da, uztailaren 7an, 20:00etatik aurrera. Eta hirugarran eta azken saioa Sahatsak uztailaren 13an, 20:00etatik aurrera Plaza Txikitik abiatuta eskainiko duen Bizkaia, soineko xuriz jantzita ikuskizuna izango da.