Itzulpen automatikoa / Machine translation

'Jolasaren garrantzia haurren garapenean eta familian' hitzaldia eskainiko da datorren asteazkenean

2023/03/22
'Jolasaren garrantzia haurren garapenean eta familian' hitzaldia eskainiko da datorren asteazkenean

Haurraren garapena laguntzeko, jolasa bermatu eta baliabide gisa erabiltzeko kontzientzia, erreminta eta esperientziak eskuratzeko helburuz, 'Jolasaren garrantzia haurren garapenean eta familian: Haurren emozioa bideratzeko, arauak barneratzeko, osasun mentala bermatzeko...' hitzaldia antolatu du Azpeitiko Udalak Treba egitasmoaren baitan, Gaztematikarekin elkarlanean. Saioa martxoaren 29an, 18:00etatik 19:30era izango da Basazabal Formazio Zentroan eta irekia eta doakoa izango da; ez da aurrez izenik eman beharko eta haurren gurasoei zuzendurik dago. 


Leyre Canok zuzenduko du saioa eta honakoak izango dira helburuak: Jolasak haurren garapenean duen garrantziaz jabetu.

  • Jolasaren definizio eta funtzioak ezagutu.
  • Jolasa eta emozioen bertso arteko erlazioa ulertu.
  • Autoestimu, harreman, gatazka konponketa, komunikazioa eta autonomiaren garapenerako jolasa erabiltzen ikasi
  • Egunerokoan praktikan jartzeko baliabideak ezagutu.
  • Kasu praktikoekin trebatu.