Itzulpen automatikoa / Machine translation

Kontsultagai dago Buztintzuriko Errebaleko eta Iñaki Azpiazu kaleko etxebizitza tasatuen esleipen prozeduran onartuak eta baztertuak izan direnen behin-behineko zerrenda

2024/03/06
Kontsultagai dago Buztintzuriko Errebaleko eta Iñaki Azpiazu kaleko etxebizitza tasatuen esleipen prozeduran onartuak eta baztertuak izan direnen behin-behineko zerrenda

43 eskaera egin dira Buztintzuriko Errebaleko etxeetarako, eta 81 eskaera Iñaki Azpiazu kaleko etxeetarako. Behin-behineko zerrendak argitaratu ostean, interesatuek hamar eguneko epea izango dute erreklamazioak aurkezteko.


Urtarrilaren 31n amaitu zen Buztinzuriko Errebaleko 4 zenbakian dauden bi udal etxebizitza tasaturen eta Iñaki Azpiazu kaleko 20 eta 22 zenbakietan dauden hiru udal etxebizitza tasaturen zozketan parte hartzeko eskaerak aurkezteko epea. Eskaera guztiak aztertu ostean, onartuen eta baztertuen behin-behineko zerrenda argitaratu du udalak. Lotura honetan egin daiteke kontsulta. Horrez gain, udalaren iragarki taula fisikoan eta Azpeitia Berritzenen webgunean ere egongo da ikusgai zerrenda.

Interesatuek martxoaren 20ra arteko epea izango dute erreklamazioak aurkezteko. Baztertuak izan direnen kasuan, arrazoia zein izan den ere zehazten da zerrendan. Baztertuak izan direnek nahiz zozketarako emandako zenbaki kopuruarekin ados ez daudenek jarri ahal izango dituzte erreklamazioak.

Erreklamazioak aurkezteko bideak

Erreklamazioak idatziz aurkeztu beharko dira, adierazitako arrazoiak frogatzeko oinarritzat jotzen diren agiriekin batera. Bide hauetako edozein erabili ahal izango da:

  • Aurrez aurre, Azpeitiko Udaleko HAZ zerbitzuan dagoen erregistro orokorrean (udaletxeko lehen solairuan. Telefonoa: 943157198).
  • Aurrez Aurre, Azpeitia Berritzenen bulegoetan (Enparan kalea, 34 behea. Telefonoa: 943157183)
  • Udalaren egoitza elektronikoan dagoen sarrera erregistro elektronikoaren bidez: www.azpeitia.eus