Landa-lurren mugak digitalizatzeari ekingo dio Azpeitiko Udalak

Azpeitiko Udalak  landa-lurren mugak zehaztu, eguneratu eta digitalizatzeko lanari ekin dio, landa-lurren mugen ezagutza babesteko asmoz.  Horretarako, azaroaren 24an, 11:00etan eta 18:00etan bilerak egingo dira lursailen titularrekin. Lur-jabeei datorren astetik aurrera gutuna iritsiko zaie bilerarako deiarekin. 

Gero eta zailagoa gertatzen da landa eremuko lursailen mugak identifikatzea eta zehaztea. Lursailen titularren batezbesteko adina altua da, eta mugen desagertze edo nahaste arriskua kontuan izanik, mugak eta mugarriak GPS koordenatuekin zehaztea da. Herritarren parte hartzea ezinbestekoa izango da prozesu honetan. 

Lanak behar bezala garatzeko, ezinbesteko baldintza da jabeen laguntza izatea, zeintzuk mugakideekin lursailen mugak eta mugarriak adostu beharko dituzte. Egingo diren lanen emaitza bezala, plano pertsonalizatuak emango zaizkie titularrei, lursailen mugak eta gaur egun dauden mugarrien zein berrien koordenatuak zehaztuz. Gainera, zuzenak ez badira, katastroko mugak zuzenduko dira. Proiektuaren helburuak dira mugetan egon daitezkeen akatsak argitzea eta zuzentzea, eta mugei eta mugarriei GPS koordenatuak ezartzea. 

Jabeek edo haien oinordekoek landa-jabetzak ahaztu edo ezagutzen ez badituzte, mugarriak eta mugak nahasgarriak izango dira edo, besterik gabe, desagertu egingo dira. Horren ondorioz, mendia ez da zaintzen, eta horrek ondorio larriak ditu landa-munduan. Egoera horren aurrean, Azpeitiko Udalak, Gipuzkoako Foru Aldundiko Ekonomia, Turismo eta Landa Ingurunearen Sustapenerako Departamentuak diruz lagunduta, 500 partzela mugatzeko lanak hasi ditu. Lursail horiek 836Ha hartzen dituzte landa-lurzoruan. Fase honetan 1 eta 7 poligonaetako landa-lursailen inguruko lanketa egingo du, eremua oso zabala delako. Horregatik, gainerako poligonoetako lanketak hurrengo urteetan egingo dira.

Proiektuaren helburuak dira mugetan egon daitezkeen akatsak argitzea eta zuzentzea, eta mugei eta mugarriei GPS koordenatuak ematea.

Azpeitiko Udalak dei egiten du jabeen laguntza izateko mugakideekiko mugak adostu ditzaten, hori beharrezkoa baita lanak egiteko. Mugakideen artean adostasunik ez badago, ezin da proiektua egin. Jabeen partaidetza borondatezkoa da, eta ez die inolako gastu ekonomikorik eragingo.