Larunbatean irekiko da kanpoko igerilekua

Datorren larunbatean, ekainaren 10ean irekiko da kanpoko igerilekua eta dagoeneko ia dena prest da horretarako. Ekainaren 10etik irailaren 10a bitartean egunero irekita izango da. Igerilekua irekitzearekin bat, bertako kantina ere irekita izango da. Udalak lehiaketa publiko bidez esleitu du bere kudeaketa eta igerilekua irekita den epealdian irekita izango da eta igerilekuaren ordutegi bera izango du. 

Izarraitz parkeko txorroak ere irekita

Izarraizko atea parkeko ur txorroak ere laster irekiko dira. Ekainaren 15ean, zehazki, eta irailaren 15era bitartean izango dira irekita. Txorroak ere egunero izango dira martxan 10:00etatik 20:00etara bitartean.