Larunbatean, itxita egongo da Alde Zaharra ibilgailuentzat

Domusa Teknik 40 MLK eta 15 MLK mendi lasterketak direla eta, Alde Zaharra itxita egongo da larunbatean ibilgailuentzat. Beharrezkoa izanez gero, Done Jakue kalera sartzeko aukera egongo da, baina parrokia atzetik. Julian Elortzatik Perez Arregi plazara arteko zubia ere itxita egongo da. Ondorioz, Soreasuko parkinera joan nahi duten ibilgailuek tanatorio pareko zubitik sartu beharko dute. Foru Pasealekuko zubitik Enparan kaleko garajeetara joateko, berriz, ez da arazorik egongo.