Leire Derteano Lizarralderen kartelak iragarriko ditu Euskal Antzerki Topaketak

Udazkenean izango den Euskal Antzerki Topaketen 41. ediziorako kartela aukeratu du udalak. Leire Derteano Lizarralde oñatiarraren lana hautatu zuen atzo eguerdian elkartu zen epaimahaiak. Aitor Larrañaga zinegotziarekin batera, Miriam Quintana eta Mikel Sanjuan, Aitor Bengoetxea Kulturazeko kidea eta Leire Larrañaga UKTko kideak osatu zuten epaimahaia. Aurtengo lehikatan aurkeztutako13 lanen artean aukeratu zuten irabazlea. Irabazleak 900 euroko diru saria jasoko du eta bere lana izango da topaketetako iragarlea.

Aurtengo kartel lehiaketa deialdia maiatzaren 3tik 31ra izan zen irekita eta 13 lan aurkeztu dira. Edozienek parte hartzeko aukera izan du eta pertsonako 3 lan aurkeztu zitezkeen gehienez. Lanak originalak eta ineditoak izan behar zuten. Aurkeztutako lan guztiak ekainaren 9tik 18ra izan dira ikusgai lan guztiak ikusgai Betharramentako Udal Erakusketa aretoan. Ikusleek beren botoa emateko aukera ere izan dute, epaimahaiari laguntzeko.